Música, aventuras e valores únense para crear unha historia onde a liberdade, a tenacidade e a maxia son os ingredientes fundamentais. Unha homenaxe ao silencio como parte da música e a historia. Bello, delicado e sempre presente.
Cada capítulo desta orixinal novela está acompañada por unha referencia a música de mulleres compositoras: Clara Schumann, Gracia Baptista, Amy Beach, Celia Torrá, Francesca Caccini, Pauline Viardot, Melania Bonis… arroupan o texto coas súas fascinantes melodías.Arrecife vive na Illa dos Volcáns, na fábrica de melodías. Pronto, ocorrerá algo insólito: o sol queda quieto, inmóbil, no ceo. A sucesión de días e noites desaparece. Así, a pequena emprende unha apaixonante viaxe polo reino de Disonancia para resolver o enigma. Alí coñecerá personaxes divertidos e misteriosos, visitará lugares insólitos e axudará en misións case imposibles.

5º-6º Primaria