As portas dun tranvía ábrense e un mozo namórase dunha muller á que nunca volverá ver. Este é o punto de partida desta historia coral onde os protagonistas, todos fracasados nas súas relacións persoais, son como pezas dun xogo de xadrez. Os peóns pregúntanse si non será o momento de sacrificar unha peza para seguir avanzando.
Alfiles que se cruzan sen atoparse realmente. O cabalo, libre, capaz de saltar sobre as demais pezas, pero vulnerable porque, por esquivo que sexa, un cabalo pode ser tomado por un simple peón. Todos avanzan, enfróntanse, cruzan as súas vidas como nun taboleiro de xadrez. Todos están conectados sen sequera sabelo e van xogar un xogo que cambiará as súas vidas.